Malta North

Impjant ta’ Trattament Mekkaniku u Bijoloġiku

Ġewwa l-Kumpless tal-ECOHIVE hemm ukoll l-Impjant ta’ Trattament Mekkaniku u Bijoloġiku. B’investiment ta’ €50 miljun, u parzjalment iffinanzjat mill-Unjoni Ewropea taħt il-Fond ta’ Koeżjoni, l-Impjant ta’ Trattament Mekkaniku u Bijoloġiku fit-Tramuntana ta’ Malta (Malta North Mechanical and Biological Treatment Plant) twaqqaf fi Frar 2016.

L-Impjant ta’ Trattament Mekkaniku (Mechanical Treatment Plant (MTP)) jintuża biex jiġi ssegregat l-Iskart Solidu Muniċipali (Municipal Solid Waste (MSW)) u għandu l-kapaċità li jirċievi u jittratta 66,000 tunnellata fis-sena ta’ skart reżidwu mid-djar. Din il-faċilità tissepara skart tal-metall tal-ħadid u metall mhux tal-ħadid, tiżola frazzjonijiet kalorifiċi għoljin għal karburant li jiġi mill-iskart (refuse derived fuel (RDF)), u teżamina l-fazzjonijiet organiċi u dak li hu skartat. Il-metalli u l-frazzjonijiet kalorifiċi għoljin għal karburant li jiġi mill-iskart (high calorific fractions for refuse derived fuel (RDF)) jiġu ppreparati għall-esportazzjoni waqt li l-fazzjoni organika tgħaddi minn trattamenti ulterjuri fl-Impjant ta’ Diġestjoni Anerobika (AD Plant) li għandu l-kapaċità li jipproċessa 39,000 tunnellata ta’ fazzjoni organika fis-sena. Bis-saħħa ta’ dan il-proċess ta’ trattament tal-iskart, jiġi maħluq bijogass b’mod naturali. Dan jiġi rikoverat u użat biex jinħoloq l-elettriku.

Politika ta’ Kwalità, Ambjent, Saħħa u Sigurtà

F'konformità mal-istrateġija tal-ambjent sostennibli u l-immaniġġjar tal-iskart f’Malta, WasteServ tfittex li tipprovdi servizz nazzjonali permezz tal-proċessi tagħha ta' rkupru tal-iskart u t-trattament fl-Impjant tat-Trattament tal-Iskart fit-Tramuntana ta’ Malta (li jinsab fil-Kumpless ECOHIVE). Il-faċilità tipproċessa u tittratta skart solidu muniċipali, injam imħallat, skart organiku seperat mis-sors u materjali riċiklabbli. Il-prodotti li joħroġu mill-proċess jiġu diretti għar-riċiklaġġ jew rimi f'faċilitajiet awtorizzati, filwaqt li l-bijogass jintuża biex jiġġenera enerġija rinnovabbli.

L-għanijiet ewlenin ta’ WasteServ huma li tfittex li tikseb u ttejjeb is-sodisfazzjoni tal-klijent, tipproteġi l-ambjent, u tipprovdi servizz tal-immaniġjar tal-iskart affidabbli li jħares l-ambjent, tippreveni korrimenti relatati max-xogħol u mard filwaqt li tipprovdi servizzi affidabbli ta’ immaniġjar tal-iskart lil dawk li jġorru l-iskart, li jipproduċu l-iskart, u li jixtru l-iskart.

Permezz tal-operat fil-faċilità u tal-fergħat varji li joffru appoġġ, WasteServ ser tirsisti biex:

Tikkonforma mal-permess tal-IPPC IP 0003/19 kif ukoll mar-rekwiżiti legali applikabbli tal-EHS u rekwiżiti oħrajn;

Tuża l-faċilità b’mod effiċjenti u effettiv;

Timmonitorja il-konsum tal-enerġija bil-għan li jitnaqqas l-użu tal-enerġija;

Tnaqqas il-frazzjonijiet organiċi li qed jintrema fil-landfill;

Tmantni miżuri ta’ preparazzjoni għal każijiet ta’ emerġenza sabiex tnaqqas u tikkontrolla r riskju ta’ nirien u t-tixrid ta’ żjut;

Tikseb feedback pożittiv minn dawk l-entitajiet li jġorru l-iskart, li jipproduċu l-iskart, u li jixtru l iskart;

Tnaqqas ilmenti minn partijiet interessati;

Tiżviluppa ħiliet tal-impjegati;

Timplimenta miżuri ta’ ġerarkija ta’ kontroll sabiex telimina l-perikli u tnaqqas ir-riskji tas-saħħa u s-sigurtà;

Tippromwovi l-aħjar prattiċi tax-xogħol f’kull livell, inklużi viżitaturi u kuntratturi;

Tiżgura li l-impjegati u/jew ir-rappreżentanti tal-ħaddiema jipparteċipaw u jiġu kkonsultati dwar kwistjonijiet ta' saħħa u sigurtà.

Dawn l-għanijiet huma reveduti kull erba' xhur u l-progress tagħhom huwa diskuss fil-laqgħat mal-Maniġment, meta huwa applikabbli.

Biex nimplimentaw din il-politika aħna adottajna sistema ta’ immaniġjar ibbażata fuq ir-rekwiżiti ta' ISO 9001: 2015, ISO 14001:2015 u ISO 45001:2018.

Aħna impenjati li ntejbu kontinwament is-sistema tal-immaniġjar tagħna u l-effiċjenzja tagħha b’mod kostanti u ripetut. Din il-politika għandha tkun ikkomunikata lil, u mifhuma mill-impjegati kollha fl-organizzazzjoni. Aħna ser inkunu qed nikkomunikaw din il-politika mal-pubbliku, mal-viżitaturi u mal-kuntratturi fil-faċilità.

Din il-politika hija riveduta fuq bażi annwali sabiex jiġi żgurat li l-enfasi fuq il-ħtiġijiet tal-klijent, il-preservazzjoni ambjentali u l-istandards tas-saħħa u s-sigurtá jinżammu, u li l-miżuri tal-wegħda tagħna lill-klijenti tagħna jintlaħqu.

Jekk jogħġbok agħfas hawn għar-regoli tas-sit

Last updated on 05/10/2020